السبت، 25 سبتمبر، 2010

يعني إيه حنين ؟!

أمسَكَت بهاتفها النقّال و نَظَرَت الى اسمه المسجل في سجل الهاتف و تأملته جيداً .. شاهَدَت الصور التي تجمعهما .. أخرَجَت الهدايا التي كان قد أحضرها لها من (تحت السرير ) .. سَمِعَت الأغنية التي ألقاها على مسامعها بصوته ، و في محاولات عابثة لمعرفة معنى الحنين .. فَشَلَت في الوصول لتعريف واضح لهذا المصطلح ، مسحت اسمه المسجل لديها و تخلصت من كل الصور و المقاطع الصوتية المتعلقة به ، ثم جمعت تلك الهدايا في (كيس إسود كبير) و (رَمِتُه من بير السِّلم) .

هناك 9 تعليقات:

  1. يا صديقتي الموهوبة إلى متى ستثيرين تعجبي؟؟؟
    إذا نظرنا إلى موضوعاتكِ الأخيرة سنجدها جميعاً تتحدث عن فكرة واحدة الا وهي التخلص من الماضى وإخراج (الآخر) من القلب والعقل والروح وحتى من بقايا الذكريات .. ورغم أن الفكرة واحده إلا ان معالجتكِ لها متنوعة تماماً بصورة (تتحدى الملل) ..إستطعتِ يا صغيرتي أن تجسدي المشهد تماماً حتى ظننت نفسي (كقارئ)أجلس على مقعد في طرف الغرفة مكتفياً بمشاهدة البطلة وهى تخرج الهدايا من (تحت السرير) وتضعها فى (الكيس الكبير الأسود) والذى نعرف جميعاً إلى أى شئ يرمز ..
    أعجبنى البوست كثيراً حتى أنني تمنيت أن تساعدني كلماتي لكى أثني عليه أكثر من ذلك .. تقبلي مروري!

    ردحذف
  2. شكراً على الكلام دا كله .. و الله انت اللي دايماً بتبهرني بالتعليقات بتاعتك بطريقة تتحدى الملل :) و صدقني مفيش اكتر من كدا ثناء يعني ،انا قربت اعيّط من الانبساط والله :)

    ردحذف
  3. بصراحه يا خلود اللى عجبنى اكتر من البوست تعليقك على عمر
    بالتوفيق ان شاء الله

    ردحذف
  4. MR-BOLICA
    رغم اني مفهمتش ليه .. بس متشكرين طبعاً :):)

    ردحذف
  5. 5oloud msa 3aleky bgd to7fa awii kalamk w ta3beratk azai kda keep going huni <3
    ya reet ynf3 nemsa7 aw Nermy our memories kman mn Ber el selm i think en el 7anen brdo hyfdl mawgood b3d kol dah
    :)

    ردحذف
  6. Lames Farouk
    Thnxxxxxxxxxxx darling :)
    El 7anein hayfdal mawgoud law e7na aslun 3arfein m3anah aw law howa gowana :)

    ردحذف
  7. السلامو عليكم

    ياعنى ايه حنين
    أنا اسف لو تعليقى مش هيعجبك
    لأنى بختلف معاكى فيه من أوله لأخره

    لو كنتى ياخلود بتيألى ياعنى ايه حنين؟

    أسمحيلى أجوبك لان السؤال مفتوح مش محدد بشخص
    ولو كان من الممكن نقول الاجابه تنفع لاى حد
    أنا مش هقدر اوصف بس هتكلم
    الحنين له مزاق لا يوصف
    له احساس ولا يوصف
    له شجن وسرحان وتوهان
    تحسى كأن فى نسمه هوى بارد جميل وانتى فى عز الصيف
    تحسى كأن فى همسه دفئ تداعب خدودك وأنتى فى عز البرد
    صدقينى مهما قولت مش عارف اوصف
    لانه احساس يتحس لا يوصف
    وانا متأكد أنك حستيه

    أنا شخصيآ لما بحس بحنين للحب الاول
    اللى هو كان بالنسبالى حبى الاول والاخير
    بعيش حاله من الشجن لا توصف
    أحساس يلغى ادراكى بالزمن
    وبالناس
    وبنفسى احيانا

    صدقينى ياخلود احساس لا يوصف

    يسلم قلمك
    تقبلى مرورى الاول وليس الاخير
    والاختلاف فى الرأى لا يفسد للود قضيه

    تحياتى لقلبك الحنون

    محمـــد التركـــى

    ردحذف
  8. محمد التركى
    وعليكم السلام و رحمة الله و بركاته
    أولاً شكراً لمرور و تعليق حضرتك
    ثانياً البطلة هنا معرفتش يعني ايه .. حبها كان فاتر ،بارد ، خال من الأحاسيس ، و دا اللي هي عرفته لما حاولت تسترجعه بالصور و الهدايا و خلافه و فشلت في استرجاع احساسها مع الشخص دا .. فبتحاول تعرف معني الحنين من الحاجات دي و بتفشل .. و دي حالة أنا بعرضها مش شرط أبداً تكون هي حالتي أو تعبر عن احساسي .. و دي ميزة خيال المؤلف أو الفنان لما يعيش أدوار مش بتاعته .. فيغير جلده
    يارب يكون المعنى و صل
    تحياتي

    ردحذف
  9. السلامو عليكم

    والله كدا أنا فهمت خيال المؤالف
    تبقى المشكله محلوله

    ممكن نتقول أن الحنين أحساس يختلف بين القلوب
    فهناك من يحسه ويتمنى نشوته
    وهناك من لا يحسه ويلعن ذكراه

    ولكن يبقى الحنين هو الحنين
    لا يمكن نسيانه

    تحياتى لشخصك الطيب
    وفى أنتظار زيارتك لمملكتى المتواضعه
    وأتشوق لمعرفه رأيك

    محمـــد التركـــى

    ردحذف