منة

في فنجان قهوة بيتدلِق .. في ظهر جورنال التحرير و مقالة عمر طاهر .. أو في كتاب حلو أقراه
في شوارع وسط البلد و قهاوي البورصة .. و طبق كشري مابقلّبوش .. و شوب قصب شربناه
في لحن جاز أو حفلة حية .. و رقصة خِلسة .. في ضحكة مستخبيّة 
في حلم قديم لمشروع مشترك جت سيرته في أتوبيس بيروح العتبة أو  في مترو اتجاه حلوان
في تصميم فوتوشوب ردئ .. أو لوحة لموندريان
في حلم السفر أجازة لأوروبا .. و ألشة كوبري القُبة
شكرًا لوجودك في أي حاجة و كل حاجة :)