الجمعة، 9 أبريل، 2010

الشجرة

كانوا بيروحوا كل يوم مع بعض .. بيمشوا فى نفس الطريق كل يوم.. كلام كتير حلو بيتقال .. وسعات الصمت بيكون احلى .. لكن عند شجرة معينة كان لازم كلمة حلوة تتقال بالصدفة فى نفس المكان وعند نفس الشجرة كل يوم .. وفى يوم كانوا مروحين .. انما ماكنوش لوحدهم كان معاهم ناس .. مِعرفة قديمة .. يِمكن ؟!أصحابها ..جايز ؟! زمايله .. احتمال برضه ..المهم ، لما مروا من جنب الشجرة اياها.. افتكروا ذكرياتهم معاها لما كانوا بيبقوا لوحدهم عندها . بصوا لبعض , ابتسم, ابتسمت ,سكت ,سكتت,وقبل ما تنطق هي بكلمة واحدة سبقها هو وقال بصوت ناعم (أنا بحب المكان دا اوى ..وبحب الشجرة دى كمان ) وسكت بعدها عشان مايبنش خجلها قصادهم ..انما عينه كملت وقالتلها (بحبك).

ليست هناك تعليقات:

إرسال تعليق